Астана қаласының күніне орай қала әкімдігі мен Қазақстан Жазушылар одағы Астана өкілдігі бірлесіп «Байрағы биік байтағым» атты республикалық ақындар мүшәйрасын жариялайды. Мүшәйраға биыл Жошы ұлысын ұлықтау мақсатында Ұлық Ұлыстың 800 жылдығына арналған өлең, толғау, баллада, поэма жазған ақындар қатыса алады. Қаламгердің жасына шектеу қойылмайды. Бәйгеге қатысатын шығарма еш жерде жарияланбаған, еш әдеби байқауларға қатыспаған болуы шарт! Шығармаларды qalamger_astana@mail.ru поштасына жіберу керек. Ақынның қысқаша өмірбаяны, суреті және өлеңдерді қосып жолдау қажет. Бәйгеге қатысатын шығармалар  1 шілдеге дейін қабылданады.

Бәйге жиынтығы төмендегідей:
Бас жүлде – 1, жүлдесі – 3 300 000
Бірінші орын – 1, жүлдесі – 2 200 000
Екінші орын – 2, жүлдесі – 1 100 000
Үшінші орын – 3, жүлдесі – 660 000
Ынталандыру – 5, жүлдесі – 330 000