Перизат Қайраттың «Biz birgemiz Qazaqstan 2030» қоғамдық бірлестігі таратылды — сот
Астана қаласының мамандандырылған ауданаралық экономикалық соты Әділет департаментінің «Biz birgemiz Qazaqstan 2030» қоғамдық бірлестігін тарату туралы талабын қарады.
Іс материалдарына сәйкес, осы заңды тұлғаны бастапқы мемлекеттік тіркеу 2021 жылғы 11 қазанда өткізілді. Бірлестіктің құрылтайшылары — 10 адам, олардың есімдері Қайрат Перизатты қоса алғанда, құрылтай жиналыстарының хаттамаларында көрсетілген. Қылмыстық істі тергеу барысында қолжазба сараптамасы жүргізіліп, қорытындысына сәйкес, 10 құрылтайшының 9-ының атынан құрылтай құжаттарына Қайрат Перизат қол қойған.
— Заңды тұлға Азаматтық кодекстің 49-бабына сәйкес, заңды тұлға оны құру кезінде жіберілген, жойылмайтын сипаттағы заң бұзушылықтарға байланысты жарамсыз деп танылған жағдайда, сот шешімі бойынша таратылуы мүмкін. ҚР Жоғарғы Сотының «Соттардың салық заңнамасын қолданудың кейбір мәселелері туралы» нормативтік қаулысының 12-тармағына сәйкес — заңды тұлғаны құруға (қайта тіркеуге) қатысы жоқ заңды тұлғаны басшысын және (немесе) құрылтайшысын (қатысушысын) көрсете отырып тіркеу (қайта тіркеу) заңды тұлғаны тарату (жарамсыз деп тану) үшін негіз болып табылады. Бірлестікті құру кезінде анықталған бұзушылықтарды ескере отырып, сот «Biz birgemiz Qazaqstan 2030» қоғамдық бірлестігін мәжбүрлі түрде тарату туралы шешім қабылдады. Шешім заңды күшіне енген жоқ, — делінген ауданаралық экономикалық сот үкімінде.
Еске салсақ, еріктілер қозғалысының белсендісі және қоғамдық қайырымдылық қорының құрылтайшысы Перизат Қайратқа қатысты тергеу жүргізіліп жатқаны 14 қарашада белгілі болды.
Артынша Перизат Қайрат параспорт федерациясындағы қызметінен алынды.
Сонымен қатар сот санкциясымен Перизат Қайраттың дүние-мүлкіне шектеу қойылғаны анықталды.
Бұған дейін Перизат Қайрат Палестина тұрғындарына гуманитарлық көмек көрсету үшін қаражат жинауды ұйымдастырғаны туралы хабарлаған едік. Бұл эпизод бойынша Перизат Қайрат 200 млн теңгеден аса қаражатты жымқырды деп күдіктелуде.
Кейіннен Перизат Қайраттың ісі 100 томнан асқаны мәлім болды.
Оқи отырыңыз
Шерзат ісі: Жәбірленушілер жаңа адвокаттармен жұмыс істейді
Шерзат Полаттың ісі Алматы облысының мамандандырылған ауданаралық сотына түсті. Жәбірленушілерд...
Нұрымбет Сақтағанов - Шығыс Қазақстан облысының жаңа әкімі
Мемлекет басшысының жарлығымен Шығыс Қазақстан облысының әкімі болып Нұрымбет Сақтағанов тағайындалд...
Антикор Нұрлан Нығматулиннің ағасына іздеу салды
Mazdaq.kz — Еліміздің прокуратура органдары бұрынғы Мәжіліс спикері Нұрлан Нығматулиннің ағасы...
«Өзіме тиесілі дүние қайырымен қайтты»: Қайрат Нұртастың жұбайы қуанышты хабарын жариялады
Танымал әнші Қайрат Нұртастың әйелі, белгілі актриса Жұлдыз Әбдікәрімова баспанасына қатысты қуанышт...
Қайрат Сатыбалдының бұрынғы әйелі 12 жылға сотталды
Алматының қылмыстық істер жөніндегі мамандандырылған ауданаралық соты Қайрат Сатыбалдының бұрынғы Гү...
Атырау мен Махамбет ауданында халықты толық эвакуациялау басталды
Атырау облысы Жалғансай ауылының маңында Жайық өзенінің жайылмаларында су деңгейі көтерілді. Qazaq.t...
«Азап шегуші» Шаталов «саяси тұтқын» ретінде мансабын жасауда
Әлеуметтік желілерде мәжілісмен Никита Шаталовты қорғау жөнінде науқан жүріп жатыр. Ресейлік ж...
